Bedeitend besser Nico, net nëmmen d'Schärft, och d'Tounwärter etc. sin ëm Längten besser.
Biller vun engem héichopléisende Sensor mat engem Layer mat Rauschen z'iwwerlageren mecht a mengen Aaen net vill Sënn.

Do hues du vollkomme Recht. Ech hun dat jo och schn dem Pixelman10 geäntwert. Mais heiansdo mengt een, et misst een ebe mat Filtere spillen... Iwwregens hun ech hei d'Schwarzwäissëmwandlung ganz banal am Lightroom gemaach a méch net op irgendwellech Virastellungen, déi do heeschen "Dynamique complète lisse" oder "Spectre complet dur" an och net "Film Kodak TMax 400". Ech weess, wat ech an Zukunft maachen...

Daat ass just een vun de Groenn virwaat ech mech un d'Analogfotografie gin hun, ech hu mech ëmmer nees ertappt - esou guer elo och nach - en digitalen Filmrendu mat Filteren ze kréieren.

Ech si jo och elo op deem Trip.

An daat schéinst dobäi, vu que dat et eng Hybridtechnik ass -analog ophuelen/digital scanen - kriss du vum Staat eng Entwëcklungshëllef

... oder sou!...

des Kéier ass se gut gin !

Merci! Ouni déng Remarque bei der 1. Versioun hätt ech méch mat der Effekthascherei zefridde gin.

Effekthascherei ass schnell erkannt, deng Fotoen sollen e Wiedererkennungswärt (schwéiert Wuert) hun. Dann hues de alles errécht. Et geet drems dass deng Foto net an der Mass ennergeet, also ech gesin daat international an net op eist Winzig-Land bezunn, ausser et huet en keng weider Ambitiounen.

Richteg! Dat hues du perfekt formuléiert!

Et vergësst een als "groussherzogléche Knipser" - dat heescht, als ee kelneg Wiermchen ënnert de grousse Gräifvullen - ganz séier, datt een och eppes ze soen huet, wann een einfach, bescheiden an authentesch bleift.

Merci, fir datt s du méch neess geäerdt hues.